18:26:27 2016-05-10
Në aeroportin Rostock-Laage është duke u përgatitur dëbimi edhe i njëqind refugjatëve. Siç informoi të martën një zëdhënës i policisë federale gjermane për Agjencinë telegrafike gjermane, rreth njëqind refugjatë të ardhur nga Shqipëria, Serbia dhe Maqedonia, së shpejti do të dëbohen. Shumica e tyre kanë qenë të vendosur në Mecklenburg-Vorpommern, por edhe në Schleswig-Holstein apo Hamburg. Avioni është dashur të fluturojë gjatë mesditës, ndërsa shumica e personave janë sjellë në aeroport, shkruan „svz.de“, njofton „Shtegu.com“. Për të mërkurën dhe të enjten janë planifikuar edhe fluturime te tjera.
Zëdhënësi i policisë e ka konfirmuar informatën e disa dëshmitarëve, se disa nga të dëbuarit kanë rezistuar kundër udhëtimit me autobus deri në aeroport. Atyre u janë vendosur pranga na duar, pasi policia nuk dëshiron „kthim prapa më çdo kusht“.