Një i ri me origjinë shqiptare është arrestuar gjatë tentativës për depërtim në dy hotele në Hafling. 2 bashkëpunëtorë janë ende në arrati
Gjatë natës së së shtunës, karabinierët e Meranos u thirrën për një thyerje në një hotel në Hafling të Italiisë. Tre autorë kanë thyer xhamin e hotelit dhe kanë tentuar të vjedhin sende me vlerë.
Kur efektivët mbërritën në vendngjarje, hajdutët tashmë ishin zhdukur, shkruan „stol.it“. Megjithatë, karabinierët kanë vënë re gjurmë të freskëta në dëborë dhe kanë dyshuar se këto mund të jenë gjurmët e autorëve. Ata ndoqën gjurmët, të cilat i çuan në një hotel tjetër. Aty oficerët e rendit zbuluan tre persona të dyshimtë duke grabitur.
Kur u tentua të ndalonte hajdutët, filloi një sherr. Më pas dy kriminelët u larguan, ndërsa i treti, një 26-vjeçar me origjinë shqiptare, u arrestua nga karabinierët. Ai u dërgua në burgun e Bolzanos dhe duhet të përgjigjet për vjedhjet dhe rezistencën ndaj oficerëve të zbatimit të ligjit, transmeton portali Shtegu. Kërkimi për autorët e arratisur vijon ende.
Falë ndërhyrjes së shpejtë të karabinierëve, dy hoteleve u pengua të vidhej prona. Gjatë përplasjes fizike me kriminelët, karabinierët kanë pësuar lëndime të lehta për të cilat është dashur t’i trajtojnë në spital.