Fatima Bernardes, një moderatore e njohur braziliane, të enjten i ka tronditur adhuruesit e futbollistit më të mirë në botë, Cristiano Ronaldo, duke shqiptuar një gafë të madhe, në një emision të drejtpërdrejt televiziv, kinse ylli portugez ka vdekur.
„Kaloni një mbrëmje të këndshme. Ne e ngushëllojmë gjithë familjen e Cristiano Ronaldos“. Ishin këto fjalët me të cilat Fatima Bernardes e kishte përfunduar emisionin e saj gjatë të enjtes.
Një informatë e cila i kishte shokuar adhuruesit e futbollit nëpër rrjetet sociale. Por, e vërteta ka qenë se Fatima Bernardes i kishte ngatërruar emrat.
Në fakt, personi i vdekur ka qenë këngëtari 29-vjeçar brazilian Cristiano Arhajo, i aksidentuar me të fejuarën duke u kthyer nga një koncert, transmeton „20minutes.ch“.
http://www.20min.ch/ro/sports/football/story/Elle-annonce-la-mort-de-Cristiano-Ronaldo-en-live-22038562