Kryeministri hungarez Viktor Orban që është kryetar i partisë FIDES do të përjashtohet nga Partia Popullore Evropiane, aty ku bëjnë pjesë të gjitha partite konservatore djathtiste evropiane. 20 parti anëtare të PPE-së kanë nënshkruar deklaratë dhe kanë kërkuar zyrtarisht përjashtim in e Orbanit dhe partisë së tij nga organizmi i tyre simotër politik.
Kjo u bë e ditur nga lideri i PPE-së, Xhozef Daul. Kjo çështje do të shqyrtohet më 20 mars në takimin e radhës, përcjellë INA.
PPE është partia më e madhe në Parlamentin Evropian dhe në të janë të gjitha partitë djathtiste, mes të cilave edhe CDU e Angela Merkel. Orban duke komentuar këtë nismë tha se ata që kërkojnë përjashtimin janë idiotë dhe që i shërbejnë interesave të qendrës së majtë. Anëtare e PPE-së është edhe VMRO-DPMNE, ndërsa ish-lideri i saj u arratis në Hungari, duke gjetur mbështetjen tek miku i tij Orban, që nuk respekton ligjet dhe standardet evropiane. (INA)