„Babi, mami dhe Sissy kanë vdekur“
Duke u kthyer nga një shëtitje në liqe, është shkaktuar një aksident tragjik. Nëna dhe e bija e humbin menjëherë vetëdijen. Vteëm djali i vogël pesëvjeçar arrit të shpëtojë nga vetura e shkatërruar. Ai e merr celularin e s`ëmës dhe e thirrë babain. Kjo ia shpëton jetën.
Së bashku me t`ëmën dhe motrën, fëmijë i vogël pesëvjeäar ishte duke u kthyer nga një shëtitje në një liqe. Papritmas, vetura e tyre e humbë drejtimin duke u përplasur me një shtyllë betoni, informon „Mirror online“.
Kadynit të vogël i shkoi përdore që t`ia marrë t`ëmës celularin dhe ta thërrasë babain e tij, në momentin kur e ëma dhe e motra e kishin humbur vetëdijen.
„Babi, mami dhe Sissy kane vdekur, unë jam në një shkurrë të një mali“, i ka thënë babit fëmija. Alex Depasquale menjëherë e ka informuar xhaxhain e bashkëshortes, një shef i policisë lokale.
Për të përcaktuar koordinatat e veturës, Kadynit të vogël i është dashur të thërrasë edhe në polici, e cila menjëherë e ka lokalizuar celularin se në cfarë vendi gjendej. Pas një kohe të shkurtër, forcat e sigurisë dhe ndihma e shpejtë kanë arritur në vendin e ngjarjes. Ata kanë arritur të shpëtojnë fëmijën pesëvjeçar dhe ta dërgojnë në shtëpi.
Pas arritjes së ndihmës së shpejtë, e ëma e tij tashmë kishte ndërruar jetë, ndërsa e motra Kelsey ka qenë duke marrë frymë. Me një helikopter është dërguar menjëherë në spitalin më të afërt, por një ditë më vonë edhe ajo ka ndërruar jetë.