13:25:44 2019-01-19
Misioni diplomatik i Republikës Federale të Gjermanisë në kryeqytetin maqedonas të Shkupit ka shpallur konkurs për një vend pune, duke kërkuar një nëpunës për seksionin e vizave, shkruajnë burime të afërta, përcjell Shtegu.com.
Pozita me orar të plotë pune, fillimisht është e kufizuar deri më 31.03.2021, ka njoftuar Ambasada e Republikës Federale të Gjermanisë në Shkup. Palët e interesuara mund t`i dorëzojnë dokumentet e tyre të aplikimit në gjermanisht deri më 31.01.2019, aplikimet do të pranohen vetëm me e- mail.
Kontrata e punës është shkruar në bazë të Ligjit maqedonas të punës, me një kohë javore pune prej 40 orësh, përcjell Shtegu.com. Punësimi „do të bëhet sa më shpejt që të jetë e mundur“, thuhet në shpalljen për punë.
Gjithashtu duhet të theksohet se kandidatët për një prezantim personal duhet të jenë në dispozicion që nga data 04.02.2019.