18:00:37 2016-06-27
Dy nxënëse myslimane (12 dhe 14-vjeçare) nuk e kanë vijuar lëndën e mësimit të notit dhe aksionet e klasës, prandaj ato nuk janë pajisur me pasaporta zvicerane.
Ai i cili nuk dëshiron të notojë, nuk do të pajiset me pasaportë zvicerane: Këshilli komunal qytetar i Bazelit, ua ka refuzuar shtetësinë dy nxënëseve myslimane 12-, dhe 14-vjeçare, pasi për shkak të arsyeve religjioze, nuk kanë marrë pjesë në lëndën e mësimit të notit dhe aksioneve të klasës.
Një informatë të tillë e ka lansuar «Regionaljournal Basel» nga Radio SRF, njofton „Shtegu.com“. Rasti ka ndodhur vitin e kaluar, por vetëm tani është bërë publik.
„Me refuzimin e tyre, nxënëset kanë shkelur obligimet ligjore të arsimit“, ka deklaruar Stefan Wehrle, kryetar i Komisionit përkatës për natyralizim. „Ai i cili nuk i përmbushë obligimet shkollore, i shkelë rregullat shkollore dhe nuk mund të natyralizohet“. Në këtë rast, nuk luan rol fakti se dy nxënëset e flasin shkëlqyeshëm gjuhën gjermane.