Zbulohet identiteti i pesë kufomave të aksidentit në Zvicër

Gjatë natës së shtunë, në Rheinfelden të Zvicrës ka ndodhur një aksidnet me ç` rast jetën e kanë hum,bur pesë persona, ndërsa dy janë lënduar rëndë.

Të gjithë shtatë personat kanë qenë duke udhëtuar në një veturë të llojit „VW Golf“, kur papritmas, vetura ka humbur kontrollin dhe fillimisht ajo ka goditur një kandelabër e më pas një dru, duke marrë flakë.

Sipas Policisë kantonale të Aargaut, ngjarja ka ndodhur rreth orës 03.20. Dy të lëndauarat rëndë janë dy gra të moshës 24 dhe 34-vjeçare, të cilat kanë arritur të shpëtojna nga vetura në flakë. Pasi zjarrfikësit e kishin shuar zjarrin, ishin gjetur pesë kufoma të karbonizuara, të moshës prej 23 deri 39-vjeçare. Katër nga ta janë nga rajoni, ndërsa njëri ishte turist, shtetas i Serbisë.

Gjendja e grave të lënduara është stabile, thuhet në një kumtesë të policisë zvicerane. (Shtegu.com)