Urim Saliu
Zaev në mënyrë të përkryer largoi subjektet shqiptare nga Qeveria, ato subjekte që ia bënë pikërisht qeverinë. Më parë ndodhi me ASH në dhe tani edhe me BDI – në. Kjo e fundit është tashmë vetëm formalisht në Qeveri sepse edhe kësaj radhe u shfaq një kryeministër i pushtetshëm që largon dhe zgjedhë kë të dojë. Ai ka të drejtë të bëhet edhe ministër. Ai ka të drejtë të jetë gjithçka. Ai e bën këtë sepse partitë shqiptare janë vetëm numra për tua formuar qeveritë maqedonasve dhe më pas një rreth I ngushtë edhe përfiton por mbi të gjitha mbetet I papërfillur. Ndërkombëtarët I kanë parë këto gjëra dhe ata e kanë kuptuar kameleonizmin maqedonas kundrejt nesh. Ata e dinë tashmë se çështja shqiptare akoma rri pezull dhe në realitetin e ri të këtij vendi vetëm një gjë ka ndryshuar, pra vetëm emri. Ne tashmë kemi frikë ta votojmë një parti shqiptare sepse ajo do tretet sapo të hyjë në Qeveri. Aty kanarinat e ëmbla shqiptare bëhen të dëgjueshëm dhe tregtia me fatet tona përherë i bën fitues palën tjetër./INA