14:22:52 2016-06-26
Pasditen e së mërkurës, rreth orës 14.10, në rrugën Mohrentalstrasse të Rottenschwilit në Zvicrës, është shkaktuar një aksident komunikacioni në mes të një kamioni dhe motoçiklisti. Shtetasi 37-vjeçar maqedonas i cili ka qenë duke drejtuar kamionin, është përplasur me një motoçiklist i cili ka qenë duke ardhur nga ana e kundërt, në relacionin Bremgarten – Althäusern, thuhet në një komunikatë të policisë zvicerane, njofton „Shtegu.com“.
Për shkak të lëndimeve të rënda, motoçiklisti 65-vjeçar zviceran është dërguar me helikopter në spital. Ky aksident ka shkaktuar ndërprerjen e komunikacionit në këtë relacion për rreth gjashtë orë, ndërsa policia zvicerane kërkon dëshmitarë për të ndriçuar rastin në tërësi. Vozitësit maqedonas i është shfuqizuar patenta e shoferit, si i dyshuar për shkaktar të aksidentit.