Naser Aliji është dëshpëruar tej mase pas humbjes së mbrëmshme kundër FC Basel. „Pjesa e parë ishte shumë, shumë e keqe është vështirë të fitohet „FC Baseli“, ka deklaruar Naseri për „Nordwestschweiz“.
Kohëve të fundit ai është rregullisht titullar në lojë dhe kjo dëshmon se bëhet fjalë për një futbollist të talentuar. Ruth Ospelt, presidenti i FC Vaduz thotë vetëm fjalë miradie për Naserin: „Më ka lënë shumë përshtypje, si në sport, po ashtu edhe si njeri. Ai është integruar në mënyrë të shkëlqyeshme dhe kjo është shumë e dobishme për ne“. Edhe trajneri i FC Baselit Paulo Sousa, gjatë largimit nga FCB kishte shqiptuar vetëm fjalë të ngrohta: „Më vjen shumë keq që po largohet, ai është një i ri, shumë i zellshëm dhe me perspektivë të madhe“. Se si do të rrjedhin gjërat sezonin e ardshëm, në Vaduz janë të bindur se Naseri do të vazhdojë në këtë ekip, por fjala e fundit do të shqiptohet nga vetë futbollisti.
