Tre orë pritje për t`i prerë flokët në Zvicër

Të gjithë e kërkojnë Sherif floktarin

Gjatë fundjavës, salloni i floktarisë i shqiptarit Sherafedin Memedi shndërrohet në një pikëtakim të klasës së lartë
Është e pamundur që të shtyhet dera, tetë deri dhjetë burra në dhjetë metra katrorë. Tek karriga e parë e punës qëndron Sherafedin Memedi duke punuar si flokëtar, nofka e të cilit është „Sherifi“. Të gjithë janë ulur nëpër karrige, përderisa një tjetër karrige e punës qëndron e zbrazur, pa floktar tjetër. „Kjo nuk do të kishte kuptim, pasi të gjithë dëshirojnë tek Sherifi“, pohon somalezi Ali Jabril, për të përditshmen zvicerane „Der Bund“, i cili për çdo javë e viziton Sherifin.
Mega, kështu quhet salloni i floktarisë në qendër të Bernës, të cilin e udhëhehqiun së bashku Sherafedin Memedi dhe Eroll Mehmeti. Sherafedini punon në përdhese, ndërsa Erolli në bodrum. Sherafedini ka ardhur në Zvicër që në moshën 14-vjeçare nga qyteti i Gostivarit në Maqedoni dhe tani jeton në lagjen Bümpliz, 35-vjeçar, i martuar dhe prind i dy fëmijëve. Salloni është i zhurmshëm, të rinjtë i këmbejnë fjalët njëra pas tjetrës, dikush pi kafe, të tjerët pije energjike. Njëri ha sanduiç, një tjetër troket me gisht në monitorin e celularit.
Tek floktaria Mega nuk ka kohë të caktuar për t`i prerë flokët. Ai që dëshiron të qethet nga Sherifi, duhet ta dijë vetë se a ka ai kohë të mjaftueshme për tu përkujdesur, apo jo. Gjatë të enjtes apo të premtes, koha e pritjes zgjatë dy deri në tre orë, ndërsa nuk mungojnë edhe klientët zviceranë.

Sherifi punon zakonisht gjashtë ditë në javë, nga ora tetë e mëngjesit deri në orët e vonshme të mbrëmjes, pa ndonjë pauzë gjatë orarit të punës. Ndonjëherë e ha ndonjë sanduiç ashtu në këmbë, apo shpejt e shpejt e pi ndonjë cigare në rrugicë. Çmimi për një prerje flokësh është 25 franga zvicerane, që për rrethanat vendore është shumë lirë dhe pa përfitim. Por, Sherifi për një orë i shërben tre klientë. „Kur një floktar zviceran për një prerje flokësh t`i kërkon 50 franga, ndërsa shërbimi i tij zgjatë 45 minuta dhe plus kësaj edhe një kafe, atëherë unë fitoj më shumë“, deklaron Sherifi. Si duket, arkëtimi i pagesës në sallon është në radhë të dytë, pasi Sherifi aq shpejtë i merr të hollat, i futë në arkë dhe përnjëherë e kthen mbetjen tjetër, njëkohësisht duke e shërbyer klinetin tjetër. Bakshishe nuk ka edhe aq shumë, por ato që i fiton, ai i qerasë klientët me kafe dhe Redbull. Për dallim nga Mega, tek floktarët zviceranë mbretëron një atmosferë krejtësisht ndryshe dhe shumë më e qetë.