Që nga e ashtuquajtura „Pranvera arabe“, numri i tafikantëve të arrestuar të migrantvëe, në Zvicër është rritur dukshëm. Të hollat e tyre të fituara gjenden nëpër kontot zvicerane.
Që nga fillimi i vitit, rojet kufitare zvicerane (GëK) kanë arrestuar 226 trafikantë të dyshuar të migrantëve, raporton „NZZ am Sonntag“, përcjellë „Shtegu.com“. Po të vazhdojë në këtë mënyrë, numri i të arrestuarve do të arrijë në 400 të arrestuar.
Numri më i madh i trafikantëve të arrestuar janë shtetas kosovarë, vazhdon gazeta në fjalë. Përpos tyre, ka edhe trafikantë të arrestuar nga Eritrea, Siria, por edhe nga Gjermania e Zvicra.
Sipas raportit të vitit 2011, i cili u aktivizua në vitin 2013, të hollat e fituara të trafikantëve hyjnë nëpër kontot zvicerane. Përpos kësaj, koordinatori i rrethit të trafikantëve mendohet se jeton në Zvicër. Në një raport të OKB-së thuhet se autoritetet zvicerane janë të njoftuara me një fakt të tillë, por se në Prokurorinë e përgjithshme zvicerane nuk është ngritur ndonjë kallëzim penal në këtë çështje.