Spektakël futbollistik shqiptar në Biel/Bienne

13:21:32            2016-04-24

Të shtunën është zhvilluar ndeshja kampionale e Ligës së dytë interegjionale e ndërshqiptare në mes ekipeve të FC Besa Biel dhe FC Prishtina Bern. Në një ambient impozant me rreth 800 shikues, ndeshja përfundoi me rezultat baras 1:1. Mysafirët kaluan të parët në avantazh me golin e Leutrim Rashitit në minutën 37`, ndërsa mikpritësit barazuan në pjesën e dytë, në minutën 55`me golin e Fatmir Bakiut. Ishte vërtetë një spektakël i denjë, të cilin lojtarët ua dhuruan tifozëve të tyre, me gjasa nga të dyja palët për t`i fituar tre pikët.

Pas kësaj, ekipi i FC Prishtinës edhe më tej mban pozizën e liderit të tabelës së klasifkimit, me katër pikë diferencë nga FC Aarberg, ndërsa FC Besa Biel është në vendin e tretë me dy pikë më pak. Që të dy ekipet shqiptare në këtë konkurrencë edhe më tej i ruajnë gjasat e tyre për tu inkuadruar në një rang më të lartë të futbollit zviceran. Ishte kjo hera e parë që në një konkurrencë të tillë, të ballfaqohen dy ekipe shqiptare.