Në një artikull të „deutschlandradiokultur.de“, të cilën e trasnmeton „Shtegu.com“, gazetari e përshkruan punën e çmuar të skulptorit shqiptar Lani Metani, i cili pohon: „Kur Shqipëria ishte mike me Rusinë, unë i bëra shtatoret e Marksit dhe Leninit, kur erdhën kinezatë: Mao Cedungun. Dhe tani është duke sunduar kapitalizmi dhe ne jemi miqësuar me SHBA-të, prandaj tash po i skulpturoj amerikanët.
Tashmë rreth 50 vite, skulptori shqiptar me renome botërore është duke punuar në këtë lëmi. Ai llogaritet si skulptori më i njohur shqiptar, edhe pse kjo nuk i lë shumë përshtypje. Karrierën e tij e filloi me 13 vite, fillimisht në shkritoren shtetërore të arit në Tiranë, ndërsa tani në një fonderi private në periferi të Tiranës.
„Në kohën e komunizmit ishte nder i madh të punoje në shkritoren e arit dhe kishim një respekt të madh. Pagesa ishte shumë e mirë pasi puna jonë ishte e rëndësishme për politikë“.