Gjatë ditës së mërkurë, në Obergiesing të Gjermanisë, rreth orës 10.40, në brendësinë e një kishe ka ndodhur një aksident i rëndë, me £ ‚ rast lëndime të rënda ka pësuar një shtetas 58-vjeçar maqedonas, shkruan e përditshmja gjermane „Abendzeitung“. Në aksident ka qenë i involvuar edhe një punëtor tjetër 41-vjeçar, me të cilin shtetasi maqedonas është dashur ta ngritë një skele të lartë 15 metra.
Punëtori në fjalë, ia kishte lëshuar shtetasit maqedonas një dërrasë me dimensione 250 x 30 x 5 cm dhe rreth 20 kg të rëndë nga lartë, por atij i kishte rrëshqitur nga duart duke e goditur në mes të kokës nga një lartësi prej rreth pesë metrash. Me këtë rast, i lënduari nuk ka pasur në kokë helmetë dhe menjëherë është shtrirë përtoke pa ndjenja.
Menjëherë pas kësaj ai është dërguar në një spital, ku i është nënshtruar një operimi urgjent dhe i është diagnostifikuar lëndim i rëndë me rrezik për jetë. Policia gjermane ka filluar menjëherë hetimet, duke konstatuar se bëhet fjalë për një shtetas maqedonas me vendbanim në Chemnitz.