Shqiptari i shet drogë policit zviceran

Veprim i marrë i trafikantit shqiptar

Duke vëzhguar situatën në qytezën Lancy të Zvicrës, njëri nga disa inspektorët policorë civilë (të specializuar në luftë kundër lëndëve narkotike), ishte ndaluar nga një ofertë e veçantë e heroinit, gjatë pasdites së të martës. Një shqiptar 28-vjeçar, atij i kishte ofruar një sasi prej 5 pakove të heroinit, për një shumë parash prej 500 eurosh dhe marrëveshja ishte arritur menjëherë.

Trafikanti shqiptar e kishte lutur policin që të ulej në një karrige për ta pritur, duke u drejtuar për në lokacionin „le Bois-de-la-Bâtie“. Pasi e sjellë drogën dhe porsa fillojnë të bëjnë tregtinë me drogë, polici ka tentuar që ta arrestojë shqiptarin, por ky i fundit ka arritur të largohet me të shpejtë, ndërsa për pak kohë ai prapëseprapë është arrestuar nga kolegët tjerë dhe dërguar në stacionin policor.

Gjatë kontrollit, tek ai janë gjetur 6 pako heroinë me një peshë të përgjithshme prej 29,8 gramësh, 350 franga, 100 euro dhe dy celularë. Ndaj trafikantit shqiptar do të merren masat përkatëse ligjore, shkruan „20 Minutes“.