Pasi e kishte kryer punën, një roje kufitare zvicerane hipë në veturë për tu kthyer në shtëpi, ndërsa në karrigen e fundit gjen shqiptarin që ishte i kërkuar me fletarrest.
Shqiptari 34 vjeçar definitivisht e kishte gjetur vendin më të papërshtatshëm për të fjetur, njofton „Shtegu.com“. Ai kishte hipur në një veturë private, e cila ka qenë e parkuar në një vendparking në zonën industriale.
Rreth mëngjesit, pasi e kishte kryer ndërrimin e natës, roja kufitare e kishte gjetur shqiptarin duke fjetur në karrigen e pasme.
Së bashku me kolegun e tij, roja e zgjon personin, ndërsa gjatë kontrollit të të dhënave, është vërtetuar se ndaj tij ka qenë i shpallur fletarrest, ndërsa e ka pasur të ndaluar edhe hyrjen në Zvicër.
Tashmë, policia është përkujdesur që shqiptarit t`i sigurojë fjetje të rehatshme – në burg.