Shkolla katolike austriake hapë një lokal për tu falur myslimanët

46 Lexime

Portali austriak „Unzensuriert.at“ tashmë kishte informuar për Shkollën e mesme katolike në Mayerweckstrasse të Vjenës (Strebersdorf), e cila kishte ofruar mësim islam. Por, pak më larg ka shkuar Shkolla private katolike në qarkun 15 të Vjenës, transmeton „Shtegu.com“, duke iu referuar një lexuesi të portalit dhe ish nxënësit të shkollës. Atje është hapur një lokal që u dedikohet myslimanëve për tu falur, i financuar nga prindërit katolikë.

Sipas lexuesit në fjalë, në kohën e tij, në shkollën private katolike ka pasur vetëm disa të huaj të cilët gjithashtu kanë qenë të konfesionit katolik. Por, më vonë, për shkak të korrektësisë politike, kjo shkollë private ka marrë disa nxënës myslimanë. Në faqen e saj të internetit, mund të shihet një vegëz në të cilën pasqyrohet lokali për falje të myslimanëve. Pasi bëhet fjalë për një shkollë private, shpenzimet për lokalin i kanë ndërmarrë prindërit katolikë.