07:42:05 2016-01-30
FC Bazelit po i kërcënohet edhe një largim, pas dy lojtarëve të dalluar, edhe Shkelzen Gashi ka treguar shenja për lamtumirë nga ky klub. Tashmë dihet se Shkelzeni nuk ka qenë i kënaqur në rolin e rezervistit, nën udhëheqjen e trajnerit të ri, Urs Fischer, edhe pse dy viteve të fundit ka qenë golashënuesi më i mirë në Zvicër. Si duket, kupa është mbushur plotë, përkundër kontratës që ai ka me ekipin deri në vitin 2018, ndërsa ai është duke u brengosur edhe për pjesëmarrjen e tij në Kampionatin Europian.
Gjatë të premtes, Shkelzeni 27-vjeçar ka munguar në ndeshjen miqësore kundër ekipit Austria nga Vjena (1:3). Arsyeja sipas informatave të „Blick“: Gashi do të negocojë jashtë vendit për ardhmërinë e tij, njofton „Shtegu.com“.
Deri më tani, ai ka dy oferta: Njërën në SHBA dhe një tjetër në Kinë. Vallë, ku do të shkojë Gashi? Sipas të gjitha gjasave, tendenca e tij është SHBA. Po që se Gashi e ka seriozisht, ditëve në vijim ai do ta realizojë transferimin.