Serbët e llogarisin Kosovën si të humbur

14:31:14              2019-03-31

Po të mbahej ndonjë referendum në Serbi lidhur me statusin e Kosovës, dy të tretat e serbëve do të kundërshtonin njohjen e Kosovës si shtet i pavarur. Megjithatë, një shumicë prej 47 për qind është e bindur se Kosova është e humbur për Serbinë. Sipas një sondazhi të Institutit të Beogradit për çështje europiane, 41 për qind të tjerë nuk e shohin atë mënyrë.

Anketa është zhvilluar nga data 8 deri më 14 mars, shkruajnë mediat e huaja, përcjell Shtegu.com. Gjatë kësaj, janë intervistuar 1207 qytetarë serbë. 78 për qind e kundërshtuan njohjen e Kosovës, edhe nëse ky veprim do të siguronte një integrim më të shpejtë të Serbisë në Bashkimin Europian. 54 për qind janë të bindur se qeveria aktuale serbe nuk do ta njohë Kosovën.

Pas luftës së viteve 1998/99 dhe viteve nën administrimin e OKB-së, Kosova kishte shpallur pavarësinë e saj kundër vullnetit të Beogradit, në mungesë të marrëveshjes së negociuar në vitin 2008. Kushtetuta serbe vazhdon ta trajtojë Kosovën si pjesë të Serbisë.

Një dialog i iniciuar nga BE për normalizimin mes Serbisë dhe Kosovës, që është e banuar me 90 për qind shqiptarë, është në pritje e sipër për shkak të mosmarrëveshjeve të rënda.

Pesëdhjetë e shtatë për qind e të anketuarve kanë thënë se nuk e kanë kuptuar propozimin e vitin të kaluar të presidentit Aleksandar Vuçiq, për korrigjimin e kufinjve. Pothuajse 42 për qind janë shprehur kundër tij.