Sefer Tahiri: PERLAT E „aktuHales“-KURIRIT SHQIPTAR!
Portali aktuale.mk ka bërë një shkrim duke sulmuar njohësin e rrethanave politike Sefer Tahiri në lidhje me deklaratën e tij se duhet një marrëveshje e re politike në mes shqiptarëve dhe maqedonasve që do të arrihet nëpërmjet tribunave dhe debateve me OJQ-të.
„Është mosnjohje elementare politike apo deformim profesional i atyre që karrierat shkencore i kanë bazuar në tribuna të OJQ- ve, por që mbetet e panjohur.
Por, këta analistë dhe shkenctarë që punimet e vetme shkencore i kanë nëpër gazeta ditore duhet të dinë se marrëveshjet politike për ndërrim të kursit të shteteve multietnike nuk bëhen në tribuna dhe në faqet e Fejsbukut me kafe në dorë, por nëpërmjet luftës politike dhe jo vetëm politike, dhe nga njerëz që janë dëshmuar në ndërrimin e kurseve të shteteve.
Janë dëshmuar deri sa analistët e Fejsbukut bënin punën e zëdhënësit të atyre që luftën asokohe e quanin terroriste dhe natyrshëm që edhe produktin e luftës të njëjtit do e quajnë të skaduar“ thuhet kështu në shkrimin e aktuales.
Ndërsa për këtë ka reaguar vetë Tahiri duke kërkuar që autorët e këtyre teksteve të dalin publikisht me emër dhe mbiemër e mos të fshihen pas. siç i ka quajtur ai „portalucave“ që bëjnë propagandë.
„PERLAT E „aktuales“-KURIRIT SHQIPTAR!
Autori i kësaj shkarravine partiake le të bëhet burrë dhe le të del me emër e mbiemër e të mos fshihet pas „portalucave“ që bëjnë propagandë, e paketuar si produkt gjoja mediatik.
Është mosnjohje elementare politike apo deformim profesional i atyre që karrierat politike i kanë bazuar në OJQ që sot për qëllime politike janë të gatshëm të nxijnë secilin që mendon ndryshe! Ky është stil marksist-leninist!
Ju ofendoni, e unë nuk ofendoj! Ky është dallimi!
Por më vjen shumë keq, që këtë tentim për „nxirje“ e bëni përmes mikut tim të shkollës dhe vendbanmit nga vij, Fami Bajrami, i cili është kryeredaktor i „aktuales“ dhe të cilin e vendosni në pozitë të vështirë. A keni insaf bre JU?
Ruajeni Marrëveshjen e Ohrit, nuk ua merr askush dhe unë nuk kam problem me këtë, është e drejtë legjitime, por lejoni që të ketë mendime ndryshe, divergjenca dhe DEMOKRACI!
Këtu debati im me këtë portaluc mbaron, ndërsa do të vazhdoj të jem mbështetës i Marrëveshjes së re politike dhe i gatshëm për debat.
P.S Mediat tjera janë të lira që ta postojnë këtë reagim, që të dihet se me çfarë meret ky portaluc!“ thuhet në reagimin e Sefer Tahirit.