Në magjistralen serbe Prokuplje-Bllace, ka ndodhur një aksident i rëndë. Sipas asaj që shkruajnë mediat serbe, një autobus I Maqedonisë së Veriut, që po transportonte udhëtarë për në Kopaonik, është rrokullisur. Bazuar në të dhënat e para, disa udhëtarë janë lënduar rëndë, ndërsa njëmbëdhjetë të tjerë kanë kaluar me lëndime të lehta, informon Shtegu.com.
Ekipet e shpëtimit menjëherë kanë dalë në vendngjarje dhe u kanë dhënën ndihmën e parë të lënduarve, ndërsa në ndërkohë është duke u realizuar përkujdesja ndaj tyre.
Ende nuk dihen shkaqet e aksidentit, por kjo rrugë është shumë kritike për pjesëmarrësit në komunikacion dhe muajve të fundit është në rikonstruim e sipër.