Rritet dënimi i vrasësit të Vigan Morinës

Kurdi nga Iraku, Shivan M., i cili para tre vitesh e kishte therë me thikë kosovarin 23-vjeçar, Vigan Morinën, duke i shkaktuar plagë vdekjepruërse dhe kishte plagosur të vëllain e tij, Visar Morinën, pas një sherri që kishte shpërthyer midis tyre në një klub të natës në Cyrih, do të qëndrojë në burg edhe për dy vite më shumë, bëjnë të ditur mediet zvicerane, përcjellë „Shtegu.com“. Gjykata e lartë zvicerane, në vendimin e saj më të ri, të shpallur gjatë të martës, është e mendimit se Shivan M., në vend të 16 viteve sa i ishin shqiptuar, do të duhet të qëndrojë 18 vite në burg. Ngjarja kishte ndodhur më 14 korrik të vitit 2012, kur Vigani i ndjerë ka qenë duke e festuar ditëlindjen e tij të 23-të me shoqërinë e tij. Shtetasi kurd e kishte therë me thikë njëmbëdhjetë herë, ndërsa të vëllait të tij kishte i shkaktuar lëndime të rënda trupore. Deri më tani, Shivan M. ka mbajtur dënimin me burg në një kohëzgjatje prej 1.130 ditësh, por ai duhet të llogaritë edhe në një shumë të madhe parashë të cilat do të duhet tùa paguajë të afërmve të viktimës si kompensim për shkaktim të dhimbjeve emocionale edhe ate në një shumë prej 235.000 frangave zvicerane.