Qeshet me të madhe, i dyfishohet dënimi

Dymbëdhjetë muaj e një ditë burgim – aq kohë është dashur të kalojë në burg Ramon Ochoa. Ai ishte qeshur me të madhe, në kohën e shqiptimit të dënimit nga ana e gjykatësit. Por, ndryshimi i vendimit të menjëhershëm i gjyqtarit, nuk ishte edhe aq qesharak.

Një gjykatë e apelit në SHBA, ka konfirmuar dyfishimin e dënimit të një të akuzuari, i cili i ishte shqiptuar si reagim i vendimit të parë i cili ishte pranuar me qeshje të madhe nga i dënuari, njofton „Shtegu.com“ duke iu referuar medieve amerikane. Në argumentimin e kësaj gjykate thuhet se gjykatësi nuk i kishte tejkaluar kompetencat e veta. Në rastin e lartpërmendur bëhet fjalë për dënimin e Ramon Ochoa, i cili i kishte injoruar dispozitat e lirimit të tij me kushte të vitit të kaluar.

Gjatë seancës dëgjimore, gjykatësi i gjykatës rajonale në Kaliforni, Lawrence O’Neill e kishte dënuar personin me dymbëdhjetë muaj e një ditë me burg. Pasi kishte goditur me çekanin e tij në tryezë, si shenjë të përfundimit të seancës gjyqësore, O’Neill kishte vërejtur se Ochoa ka qeshur me të madhe. Ai e kishte spjeguar sjelljen e tij me faktin se vendimi i gjykatësit e kishte befasuar. Nga ana tjetër, gjykatësi e kishte kuptuar të qeshurën e tij si injorim të gjyktës, prandaj ai ia kishte dyfishuar dënimin.

Gjykatësit janë në gjendje që gjatë seancës së njëjtë t`i ndryshojnë vendimet, ka spjeguar gjykata e apelit. Avokati i Ochoa nuk është prononcuar nga vendimi i gjykatës.