Natën e së premtes, policia italiane ka arrestuar një shqiptar 44-vjeçar, për shkak të „arratisjes“ nga arresti shtëpiak dhe mospërfilljes së ndalesës për t`iu afruar banesës së bashkëshortes.
Personi në fjalë kishte qenë i arrestuar qysh në shtator të këtij viti, pasi gjithashtu e kishte injoruar ndalesën për t`iu afruar banesës së bashkëshortes, e cila i ishte shqiptuar për shkak të dhunës së ushtruar në familje. Një pjesë të dënimit me burg ai tashmë e kishte kryer, e më pas ishte dërguar në arrest shtëpiak.
Gjatë kësaj, ai është larguar nga arresti shtëpiak dhe ka tentuar që ta thyejë derën e hyrjes me dhunë.
Pas alarmimit të policisë, ajo menjëherë ka intervenuar, duke ndaluar shqiptarin para se të hyjë në banesë.
Shqiptari është dërguar në burgun e Bolzanos, njofton „Stol.it“, transmeton „Shtegu.com“.
Injoron ndalesën për t`iu afruar bashkëshortes, arrestohet shqiptari në Itali
Date:
