PROVOKIM I RËNDË: Ekipi zviceran do të pritet me tank para ndeshjes me serbët

09:12:07           2019-08-27

Para dy vitesh, në ndeshjen e basketbollit të Crvena Zvezdës, në tribuna dominonte një tank i cili «rastësisht» u gjend mu mbi transparentin e Vukovarit, i shkruar në shkrimin cirilik, shkruan «Jutarnji List», i revoltuar pas vendosjes së një tanku të vërtetë ushtarak para stadiumit Rajko Mitiç në Beograd, në vigjilie të ndeshjes për kualifikim në Ligën e kampionëve në mes Crvena Zvezdës dhe Yong Boys-it, informon Shtegu.com. Tek ekipi serb janë prononcuar me deklaratën se tanku është pjesë e trashëgimisë kulturore, e kurrsesi aludim për Vukovarin.

Tani, Crvena Zvezda ka shkuar një hap më tej, vazhdon shkrimin gazeta kroate. Një tank i vërtetë është vendosur para hyrjes në stadiumin Rajko Mitiç i cili dyshohet se është kapur në Vukovar, sipas mediave serbe. Por, mediat kroate dyshojnë nëse ky tank është me siguri i atyre të paktëve serbë që i mbijetoi sulmit kroat.

Sidoqoftë, tifozët e Crvena Zvezdës, por edhe vetë klubi, vazhdojnë të festojnë agresionin serb kundër Kroacisë dhe Vukovarin. Edhe ate pa fije turpi, përfundon shkrimin «Jutarnji List».