Policia zvicerane vret një plak tetëdhjetëvjeçar

Gjatë të dielës, në një shkëmbim zjarri me policinë zvicerane, ka humbur jetën një plak tetëdhjetëvjeçr, bëjnë të ditur mediet zvicerane. Pasi ai i pari kishte filluar të gjuajë në drejtim të policisë, ata ia kthejnë me të njëjtën monedhe duke e goditur në gjoks. Plaku ndërroi jetë në vendin e ngjarjes.
Incidenti ka ndodhur në fshati Mission të kantonit Valis. Policia ishte alarmuar nga bashkëshortja e plakut, e cila kishte vërejtur sjellje të pazakonshme te burri i saj, thuhet në një deklaratë të prokurorisë publike, dhënë gjatë mbrëmjes së të dielës.
Pasi forcat e sigurisë kishin arritur në shtëpinë e çiftit të moshuar zviceran, plaku i kishte kërcënuar policët me një pistoletë. Të rrezikuar me jetë, ata u detyruan të fshihen. Rreth orës 22.00, kur në vendngjarje kishin ardhur edhe forcat speciale të policisë, plaku kishte filluar të hapë zjarr. Policia ia kthen me të shtëna, duke e goditur plakun me prejardhje nga kantoni Appenzell-Ausserrhoden, për vdekje. Nga ana e policsë nuk u lëndua askush.
Prokuroria ka filluar një hetim lidhur me shkaqet dhe rrethanat e incidentit.