Gjatë javës që po lëmë pas, policia zvicerane ka ndaluar në Würenlos, dy shtetas të Maqedonisë të cilët në vend të 80 km/h të lejuar, në një rrugë kryesore jashtë vendbanimit, kanë vozitur 145 km/h.
Bëhet fjalë për një 23-, dhe një 26-vjeçar, të cilët janë ndaluar nga policia zvicerane, pasi kanë tejkaluar shpejtësinë maksimale të lejuar për 65 kilometra në orë më shumë. Me këtë rast, prokuroria zvicerane ua ka konfiskuar veturat, ndërsa edhe janë privuar nga komunikacioni, pasi kanë qenë të detyruar t`i dorëzojnë patentat e shoferit, shkruan „Aargauer Zeitung“, njofton „Shtegu.com“. Prokuroria menjëherë ka filluar një hetim penal ndaj tyre.