23:17:44 2016-09-03
Gjatë fundjavës, policia zvicerane në Dietikon ka kryer kontrolle të shumtë të shpejtësisë së pjesëmarrësve në komunikacion, por ka kontrolluar edhe kantieret e ndërtimtarisë. Me këtë rast, ajo ka arrestuar një shtetas maqedonas dhe një kosovar, të cilët kanë qenë duke punuar pa leje përkatëse. Ata janë arrestuar në vendngjarje, ndërsa janë arrestuar edhe punëdhënësit e tyre, një zviceran 36-vjeçar dhe një shtetas italian 34-vjeçar, shkruan „Limmattalerzeitung“, njofton „Shtegu.com“.