Përkundër ndihmave të shumta, vdes djaloshi kumanovar

Pas një sëmundje të rëndë, sot në orët e hershme të megjesit ndërroi jetë në moshën 7-vjecare djaloshi nga Çerkezi i Kumanovës, Shkëlqim Zymberi.

Ai vdiq në ditën e 23 të muajit të shenjtë të Ramazanit, në ditën e Madhe të Xhumasë. Zoti e shpërbleftë me xhehnet, ndërsa  prindrve të tij, familjes Zymberi dhe të gjithë shokëve të Shkëlqimit Zoti u dhashtë durimin. Gjithashtu një falënderim të madh për të gjithë ata që ndihmuan me mjete finansiare dhe të ndryshme, mjekët që u përpoqën për t’ia shpëtuar jetën Shkëlqimit, por në fund Zoti e deshi më shumë se ne. Varrimi i Shkëlqimit bëhet sot (e premte) me namazin Xhumasë në varezat e fshatit Çerkez të Kumanovës. 

Pas publikimit të lajmit për tashmë djaloshin shtatëvjeçar e ndjerë, Shkëlqim Zymberi nga Çerkezi i Kumanoves, ishin paraqitur shumë persona nga vise të ndryshme që kishin shprehur dëshirën e tyre për të ndihmuar në mënyra të ndryshme, kishte transmetuar në faqen e tij në Facebook, redaktori sportiv i „Lajm“-it, njëherësh edhe iniciator për të ndihmuar Shkëlqimin, Reshat Ibrahimi.