12 kilogramë kokainë të konfiskuar në Sterzing: Çorapet zbuluan bashkëpunëtorët
Policia italiane, arriti sukses të mërkurën kundër tregtisë me lëndë narkotike: Në Sterzing, zyrtarët konfiskuan 12 kilogramë kokainë në një vlerë 3 milion eurosh. Me këtë rast janë arrestuar tre shqiptarë. Me këtë rast, një palë çorape luajtën një rol kryesor, shkruajnë mediat italiane, përcjell Shtegu.com.
Në rrugën nacionale, policia ndaloi një veturë të llojit VË Touran, e cila drejtohej nga një shqiptar 23-vjeçar me vendbanim në Foggia.
Në automjet, oficerët gjetën gjithsej 10 pako të dyshimta të fshehura në një dysheme të dyfishtë nën ulësen e bashkudhëtarit. Nëntë prej tyre ishin të mbështjellura me celofan, ndërsa njëra me çorap.
Gjithashtu u kontrollua edhe një veturë e dytë, një Toyota Corolla, informon Shtegu.com. Meqenëse në të kishte një çorap, i cili përputhej me „çorapin e drogës“ nga Tourani i kontrolluar, policia e shtoi dyshimin.
Dy shqiptarët e kapur me vendbanim në Pisa, të moshës 29 dhe 39 vjeçe, rezultuan se ishin bashkëpunëtorët e korrierit 23-vjeçar të drogës.
Të tre shqiptarët u arrestuan, ndërsa droga e sekuestruar kishte një vlerë prej rreth tre milionë eurosh në tregun e zi.