Pas kualifikimit të Shqipërisë në KE 2016, Mavraj intervistohet nga „Bild“-i gjerman

38 Lexime

Shqipëria është duke fluturuar ende mbi retë e futbollit, lart në qiell! Ajo u kualifikua për herë të parë në një KE, ndërsa në „qiellin e shtatë“ është edhe mbrojtësi i FC Köln, anëtari i Kombëtares shqiptare, Mergim Mavraj (29).

 
Edhe pse për momentin ai nuk është i gatshëm për lojë, pas një operacioni në gju, në dy ndeshjet e fundit të Kombëtares shqiptare (me Serbinë 0:2 dhe me Armeninë 3:0), Mergimi ishte i ulur në bankinë, prej nga e përkrahte ekipin e tij.

 

 

FC Kölni i kishte dhënë leje të posaçme për një eveniment të tillë. Lidhur me këtë, Mavraj për „Bild“ deklaron: „Jam shumë falënderues që arrita ta bashkëpërjetoj gjithë këtë gëzim“.

 

„Është shumë vështirë të realizohet ajo të cilën ne e bëmë realitet“, vazhdon Mavraj, transmeton „Shtegu.com“. „Për vendin tonë të vogël, kjo është një arritje e madhe pasi u jep shpresë të pafund shqiptarëve. Për Gjermaninë kualifikimi nuk është asgjë e re, por për ne kjo ka domethënie të madhe“.

 
Për momentin, Mavraj është duke punuar në kthimin e tij në fushën e gjelbër: „Ëndrra ime më e madhe për momentin është që të jem i pranishëm si lojtar në Kampionatin Europian. Por, jam bërë më i kujdesshëm, pasi e kam vërejtur se sa shpejt mund të lëndohet një lojtar“.