Një udhë e dy punë: Pakot dhe letrat me rekomandim mund t`i dërgoni edhe përmes Migros-it

10:05:30               2019-05-06

Migros-i dhe posta zvicerane kanë filluar bashkëpunimin. Tani, konsumatorët mund të dorëzojnë dhe të marrin paketa në ndonjë filial të Migros-it, shkruajnë mediat zvicerane, përcjell Shtegu.com.

Shkuarja në postë për të dorëzuar ose për të marrë një pako është një ngarkesë në vete dhe e tepërt: Tani, kjo mund të realizohet në mënyrë të përshtatshme edhe gjatë blerjes së artikujve ushqimorë. Kjo është premtuar së paku nga posta zvicerane dhe Migros-i.

Konsumatorët tani mund të vendosin dhe të marrin pakot e tyre në të gjithë Zvicrën, në rreth 300 filiale të shitësit. Shërbimi i ri i Zvicrës do të integrohet në ofertën PickMup të Migros-it në mbarë Zvicrën, thuhet nënjë komunikatë për media, përcjell Shtegu.com.

Për të marrë paketa apo letra me rekomandim në filialet e Migros-it, kërkohet një llogari online e përdoruesit të postës. Me këtë rast, përmes shërbimit „Meine Sendungen (Dërgesat e mia)“, pakot apo letrat mund t`i porositni në filialin e dëshiruar të Migros-it.