04:13:57 2016-12-27
Mbrëmjen e Krishtlindjeve u emetua incizimi ri i ngjarjes legjendare të Karl May për historinë indiane. Miliona shikues e përcollën filmin, por u dëshpëruan.
Koha e Krishtlindjeve është edhe koha e televizorit, gjë të cilën e dëshmuan numri i shikuesve gjatë kësaj mbrëmje: Mbi pesë milionë shikues e pritën me padurim pjesën e parë të incizimit të ri të filmit për ëinnetou, i cili u emetua në programin RTL dhe ka tre pjesë, shkruan portali gjerman „dwdl.de“.
Pritej që ky film t`i tejkalonte të gjitha rekordet për shikueshmëri të spektatorëve të moshës prej 14-, deri 49-vjeçare, por kulminacionin e arriti këngëtarja e famshme gjermane në programin muzikor të ZDF-it, Helene Fischer, me pothujase gjashtë milionë shikues.
Edhe pse mund të flitet për një skukses të shikueshmërisë, në mesin e spektatorëve, incizimi i ri i Winnetou u kririkua ashpër. Në faqen e Facebookut të RTL, më tepër janë shënuar reagime negative.
Ja vetëm disa prej tyre: „Incizimi i ri i Winnetou është një fyerje e madhe“m ka shkruar një spektator. Një tjetër: „Për një kohë të gjatë është reklamuar aq shumë dhe përnjëherë të emetohet një ndytësirë si kjo. Jashtzakonisht keq“. Apo edhe një shikues tjetër: „Vërtetë jam tepër i dëshpëruar. Nuk prisnja aq shumë, pasi origjinali asnjëherë nuk mund të tejkalohet. Por, ky ishte vetëm një film i kalbur. Shumë, shumë keq“, përfundon shikuesi i indinjuar, përcjellë „Shtegu.com“.