Këngëtari Shpat Kasapi do të përcillet për në banesën e fundit të dielën më 30 nëntor në Tetovë. Detajet tjera të cermonisë janë bërë të ditura nga familjarët në rrjetet sociale
Njoftimi i familjes: „Me pikëllim të thellë njoftojmë ndarjen nga jeta të birit, babait, bashkëshortit, vëllait dhe shokut tonë të dashur, Shpat Kasapi.
Shpati ishte një zemër e bardhë, një shpirt i gëzuar që jetonte me këngë në buzë dhe me dritë në sy. Ai falte vetëm dashuri e mirësi, dhe kush e njohu, e ndjeu ngrohtësinë e tij.
Ikja e tij e papritur ka thyer zemrat tona. Do të na mungojë zëri i butë, buzëqeshja e tij e sinqertë dhe prania që na jepte qetësi. Kujtimi i tij do të mbetet i paharrueshëm për ne.
Familja ka ftuar të gjithë ata që duan t’i japin lamtumirën e fundit artistit të dashur të marrin pjesë.
Homazhet do të mbahen të dielën, 30.11.2025, në orën 12:00, në Pallatin e Kulturës në Tetovë.
Varrimi: në orën 14:00, në varrezat e qytetit të Tetovës“.