„Më pëlqen paraqitja e saj, si flet, mendoj se është një grua shumë e përgatitur”
Dyqani i vogël i pastiçerisë që mban emrin “Stamboll” në zemër të Çarshisë së Vjetër të Shkupit, tërheq vëmendjen e shumë kalimtarëve të rastit, por jo vetëm për shkak të vitrinës së rregulluar në të cilën mund të shihen ëmbëlsirat e shumëllojta, por edhe për shkak të mbishkrimit të pazakontë – “Kemi bakllava Angela Merkel”.
Në intervistën për Anadolu Agency (AA), pronarja e kësaj pastiçerie, Dostana Mustavçe, zbulon se si ka ardhur deri te ideja që bakllavanë të cilën e shet ta emërtojë “Angela Merkel”.
”Duke pritur klientët dhe blerësit në dyqan, për çdo ditë blej dhe lexoj shtypin ditor. Dua të jem e informuar dhe i përcjell ngjarjet në botë. Ashtu që shpesh herë kam hasur në lajme në të cilën në të shumtën e rasteve diçka shkruan për kancelaren gjermane, Angela Merkel. Më pëlqen paraqitja e saj, si flet, mendoj se është një grua shumë e përgatitur”, me këto fjalë Dostana filloi rrëfimin për bakllavanë e saj, duke thënë se kancelarja gjermane Merkel është njëra nga figurat e saj të preferuara të jetës publike, për shkak të, siç tha, “amvisërisë” së saj.
“Derisa kam jetuar në Stamboll në një revistë turke lexova sesi ajo e pëlqen kuzhinën. Dëshiron dhe di të përgatisë ushqime të llojllojta, ndihmon në pastrimin e shtëpisë përkundër faktit se ka njerëz të caktuar për gjëra të tilla. Sipas meje, modestia e saj është madhështia e personalitetit të saj, prandaj edhe është e çmuar”, tha Dostana. Ajo shton se në dit në dyqanin të cilën e drejton ajo hyjnë shumë blerës dhe shumica prej tyre interesohen pse bakllavanë të cilën e shet e quan, as më pak e as më shumë, por sipas kancelares gjermane. Po ashtu, Dostana thekson se atë e vizitojnë edhe turistë të huaj të cilët duan të provojnë ëmbëlsirat e saj, me këtë rast interesohen edhe për emrin e bakllavasë.
“Duke pasur parasysh se për ditën e Kurban Bajramit, një nga festat më të mëdha muslimane, është zakon të shërbehet bakllava. Prandaj këto ditë në dyqan vijnë klientë dhe blejnë bakllava, patjetër e kam të them se bakllavaja e ime shitet si hallvë”, tha Dostana, e cila me vite merret me prodhimin e ëmbëlsirave. Ajo më tepër se tre dekada së bashku me prodhimet e saj ka jetuar dhe punuar në Stamboll, ndërsa para disa kohësh me bashkëshortin e saj, jeton në Shkup, duke bërë dhe shitur ëmbëlsira të ndryshme siç janë bakllavaja, tollumba, obllandë, ëmbëlsirë të frutave, të cilat vetë i përgatit. (Lajm)