22:44:15 2016-11-10
Në një fatkeqësi komunikacioni që ka ndodhur mëngjesin e së enjtes në Francë, kanë humbur jetën dy persona, gjatë përplasjes së një veture me një kamion, në Viry (Haute-Savoie).
Mëngjesin e së enjtes, në Viry të Francës ka ndodhur një aksident komunikacioni, i cili ka shkaktuar dy viktima. Aksidenti ka ndodhur rreth orës 08.45, me ç`rast janë përplasur një veturë dhe një kamion. Rasti ka ndodhur na autostradën RD 1206, në dalje të Viry. Dy udhëtarët e veturës të moshës 19-vjeçare kanë vdekur, shkruan „Francebleu“, njofton „Shtegu.com“. Vozitësi i kamionit ka kaluar me lëndime të lehta, por i shokuar nga ngjarja është transportuar në spital.
Në rrugët e Haute-Savoie, që nga fillimi i këtij viti janë shkatuar disa aksidente, ndërsa 40 persona e kanë humbur jetën.