Ndërroi jetë Hilmi Toska

Pas një sëmundje të gjatë, sot në orët e hershme të mëngjesit, në Shkup, ndërroi jetë Hilmi Toska, veprimtar i hershëm i çështjes kombëtare, i burgosur politik dhe anëtar i NDSH-së. Varrimi i të ndjerit është bërë pasditen e hënë, në varrezat e qytetit, në Butel të Shkupit. Hilmi Toska për vite të tëra jetoi bashkë me familjen në Shkup dhe gjatë kohë do të mbahet mend si një prind, shok, bashkëveprimtar i devotshëm. Gjithë jeta e tij ishte e lidhur me përpjekjet për emancipim dhe avancim të çështjes kombëtare, kurse shtëpia e tij kishte qenë përherë kishte qenë e hapur për personalitete nga Kosova e Shqipëria, të cilët përmes Shkupit i zhvillonin aktivitetet e tyre politike e kombëtare. /Koha.mk/