Myslimani pothuajse e vrau, por ky njeri ka një këshillë për botën

Chris Herbert është ushtar. Gjatë angazhimit të tij për armatën britanike, ai u lëndua rëndë, duke humbur këmbën e djathtë. Shumica e njerëzve nga ai prisinin një zemërim të papërmbajtshëm ndaj sulmuesit mysliman, ndaj myslimanit, i cili dashti ta vrasë. Por, Chris Herbert reagoi në një mënyrë krejtësisht ndryshe. Ja se si reagon ai në një postim të tij në Facebook, pas kësaj ngjarje:

Personat të cilët nga unë presin akuza raciste, po më shkojnë në nerva. Vetëm për shkak se unë u sulmove, e humba këmbën. Po, po. Një mysliman dashti të më ngitë në ajër, shkruan „Huffington Post“, njofton „Shtegu.com“.

Por, po të njëjtën ditë edhe një mysliman e humbi krahun e tij, në uniformën e armatës britanike.
Një vullnetar mysliman përkujdesej për mua në helikopterin i cili më dërgoi në spital.
Një mjek mysliman ma shpëtoi jetën me një operacion urgjent.
Një infermiere myslimane ishte pjesë e ekipit i cili u përkujdes për mua.
Një përkujdesëse myslimane u angazhua për rehabilitimin tim.
Një taksist mysliman më dërgoi të takohem për herë të parë me babain në një kafene.
Një mjek mysliman e kishte këshilluar babain tim se si t`i përdorë barërat për sëmundjen time.

POR:

Një britanez i bardhë e kishte pështyrë të dashurën time për shkaqe banale.
Një britanez i bardhë ma shtyu karrocën para ashensorit, në mënyrë që ai të futet i pari.
Një britanez i bardhë i bërtiti babait tim pasi ai ishte parkuar në një vendparkim për persona me nevoja të veçanta.
Por, unë edhe nuk i urrej britanezët e bardhë!

Qëllimi i kësaj është: Më lini të qetë, unë i dua ata njerëz që më duan dhe të tjerët nuk i dua. Mos më impononi mendime tuaja.
T`i fusësh në një thes të gjithë myslimanët për shkak të ISIS-it dhe talibanëve, është njësoj sikur të gjithë krishterët t`i fajësosh për të bërat e Ku-Klux-Klan. Një gjë duhet sqaruar, përqafoni familjet tuaja dhe shkoni mëtutje në punë.

13:45:22      2015-12-09