19:02:44 2016-06-25
„Ne mund të arrijmë diçka më të madhe në këtë kampionat“, kishte deklaruar Xherdan Shaqiri, më heret. I zgjedhur si futbollisti i ndeshjes, ai nuk mundi të mos shprehë keqardhjen e tij për dështimin e Zvicrës në Euro 2016.
„Historia po përsëritet. Njësoj na ndodhi edhe me Argjentinën para dy vitesh. Kishim rast të mirë ta fitojmë ndeshjen, para se të fillonte ekzekutimi i penalltive, për të cilat dihet: gjasat janë 50-50“, ka deklaruar Shaqa për Agjencinë telegrafile zvicerane, njofton „Shtegu.com“.
https://www.youtube.com/watch?v=8UkNiuCZ12A
Shaqiri gjithashtu ka folur edhe për futbollistin tragjik të ndeshjes, Granit Xhakën, për të cilin ka thënë se ai do të jetë lojtari kyç i cili në Kampionatin Botëror në Rusi, pas dy vitesh, do ta kualifikojë Zvicrën në të tetën e finales.
Lidhur me golin e tij spektakolar, Xherdan Shaqiri pohon: „Ishte një gol shumë i rëndësishëm, ai e motivoi ekipin“. Ndërsa në pyetjen nëse ka qenë goli më i bukur i karrierës, ai përfundon: „Ju nuk më njihni sa duhet. Unë gjithnjë shënoj gola të bukur“.