Messenger shkruan se përdoruesit nuk do të jenë më në gjendje të hyjnë në messenger nëse nuk kanë një profil në Facebook.
Në vitin 2015, Facebook lejoi përdoruesit e mundshëm të hynin në aplikacion duke përdorur vetëm një numër telefoni. Tani thuhet se përdoruesit “duhet të hapin një llogari në Facebook për të përdorur messenger.”
Facebook konfirmoi ndryshimin në VentureBeat, duke sqaruar se “shumica e përdoruesve që përdorin messenger tanimë hyjnë në Facebook” dhe se ata thjesht duan “të thjeshtojnë procesin”, transmeton lajmi.net.
Një zëdhënës thotë se rregulli i ri vlen edhe për ata që janë “të ri në messenger” dhe se ata që përdorin tashmë aplikacionin përmes llogarisë së tyre nuk duhet të bëjnë asgjë.
Sidoqoftë, disa përdorues u ankuan se kishin probleme për t’u regjistruar pasi aplikacioni raportonte se kishte një kufizim në llogarinë e tyre.
Është e paqartë nëse ndryshimi do të ketë ndonjë ndikim në planet e Facebook për t’i bërë aplikimet e tij të mesazheve të ndërveprueshme. Ky opsion do të thotë që përdoruesit mund të dërgojnë mesazhe përmes Messenger, Instagram dhe WhatsApp.