20.12.2019
Basketbollisti shkupjan Rezart Mehmeti i cili ishte edhe anëtar i KB Shkupi, denjësisht po prezanton basketbollin tonë në kampionatin italian, ku në kategorinë e të rinjve po u mban “ligjërata” basketbollistëve të kësaj kategorie.
Rezarti po luan në ligën M-18 të Italisë dhe me 16 vitet e tija ai ka shënuar plot 28 pikë për ekipin e tij Aurora Xhezi ndaj Riminit. Ekipi ku luan Mehmeti shënoi fitore 70:78. Pas 12 javëve sa edhe janë luajtur, ekipi i Aurora Xhezi mbanë pozitën e pestë me gjashtë fitore dhe po aq disfata.
Të përkujtojmë se basketbollisti i talentuar shkupjan është edhe pjesë e reprezentacionit të Maqedonisë M-16, ndërsa ai ishte pjesë e këtij reprezentacioni edhe në Kampionatin Evropian që u mbajt në Udine, ku Maqedonia përfundoi në pozitën e 12-të.