Medalje e artë për Shqipërinë

Atletja shqiptare Luiza Gega ka zënë vendin e parë në garën e 1500 metrave në Lojërat Olimpike Europiane “Baku 2015”, duke i dhuruar Shqipërisë medaljen e parë të artë olimpike në një veprimtari të tillë. Gega shënoi kohën 4’11”58, duke zhvilluar një garë fantastike, të cilën e dominoi gjatë gjithë kohës. Përveç medaljes së artë të fituar në 1500 metra, koha 4’11”58, ajo vendosi edhe një rekord olimpik evropian. Për Gegën, kjo është medalja e dytë në këtë Olimpiadë, pas asaj të bronztë fituar të dielën në 800 metra. Gega ka treguar se është një kampione në këtë disiplinë, pasi për asnjë çast nuk e vuri në diskutim fitoren.