Mijallkov është edhe më interesant për shërbimin e sigurimit serb, pasi ata kanë dyshuar se ai ka luajtur rolin më të madh në organizimin e sulmeve „terroriste“ në Kumanovë, shkruajnë mediet serbe, njofton „Shtegu.com“.
Ish shefi i shërbimit sekret maqedonas, Sasho Mijallkov ishte shkaku kryesor i dramës e cila ishte shkaktuar të enjten në aeroportin „Nikolla Teslla“ në Beograd, pasi në valixhen e tij ishte gjetur një pistoletë.
Ajo që habitë më tepër, është se arma ka qenë në fluturimin nga Shkupi në Zagreb, ndërsa pistoleta është gjetur në aeroportin e Beogradit.
„Personi ishte shumë i qetë dhe nuk rrezistoi aspak kur iu gjetë arma. Arsyetohej se ka harruar që ta lëjë në shtëpi, ndërsa në aeroportin e Shkupit as që e kishin kontrolluar, gjë e cila i habiti të gjithë. Befasia më e madhe ishte kur u zbulua se personi i armatosur në fjalë ishte mu Sasho Mijallkovi, ish shefi i shërbimit sekret maqedonas“, ka deklaruar një burim anonim serb, duke shtuar se bëhet fjalë për figurën më të pushtetshme në Maqedoni, e sidomos nga fakti se ai kishte lidhje me politikanët dhe kriminelët nga Shqipëria.
Përndryshe, për shërbimin e sigurimit serb, ai është jashtzakonisht interesant, pasi ata kanë dyshuar se Mijallkovi ka luajtur rol aktiv në organizimin e sulmeve „terroriste“ në Kumanovë. Pas këtyre sulmeve dhe nën presionin e fortë, ai kishte dhënë dorëheqje në postin e drejtorit të Drejtorisë maqedonase për siguri dhe kundërspiunazh.
Për shkak të dyshimeve për pronën e tij të fituar, por edhe për shkak të lidhjeve që i ka, ai është nën vëzhgim të shërbimeve të huaja.
Më vonë disa burime serbe kanë pohuar se pasi është kuptuar e gjithë situata dhe pas intervenimit të disa oficerëve të lartë serbë, ai është liruar nga paraburgimi.