17.09.2019
Vedat Muriqi është bërë target i shumë klubeve të mëdha, të cilat po e duan atë afër vetës. Njëri ndër ta është edhe Manchster United, ku anglezët dëshirojnë ta transferojnë kosovarin në afatin kalimtar dimëror.Sulmuesi i skuadrës turke po kalon nëpër një formë tejet të lartë, derisa ka arritur të marrë vëmendjen edhe të skautëve të Djajve të Kuq.Lojtari 25-vjeçar po kalon nëpër një formë të mirë edhe te Përfaqësuesja e Kosovës, e që kjo ka bërë që skuadra angleze të tentojë transferimin e tij. Sipas mediave në Turqi, skauti i Unitedit, Krsto Kiribalda, ishte i pranishëm në humbjen 3-1 që Fenerbahce e pësoi ndaj Alanyasporit në fundjavën që shkoi.Bëhet e ditur se skauti i skuadrës angleze ka mbetur i kënaqur nga paraqitja që pa nga sulmuesi shqiptar.Muriqi ishte asistues në golin e vetëm të shënuar për Fenerbahcen, derisa këta të fundit thuhet se i duan 50 milionë euro nga shitja e sulmuesit. (R.V.GJ)