Loredana befason me Mercedesin e ri, zviceranes i thyhet zemra

22:22:20                2019-06-25

Reperja kosovare, Loredana, thuhet se ka blerë një Mercedes të ri me partnerin e saj – pavarësisht llogarive të bllokuara. Kjo e ka shqetësuar pa masë zviceranen Petra Z.: „Kjo ma thyen zemrën time“.

Reperja Loredana Zefi (23), i mbetet besnike motos së saj „Million Dollar Smile“ dhe vazhdon të mos ndalet: Në Instagram, ajo këndon për mënyrën se si ajo e blen një veturë të re. Sipas faqeve të internetit, këto nuk janë vetëm tekste të pakuptimta: Ajo është bashkuar me partnerin e saj Mozzik për të blerë një Mercedes S 63 Coupe të ri (912 PS), siç dëshmohet nga postimet e Instagram, shkruan „Blick“, informon Shtegu.com.

Me para të gatshme, ai kushton 220’000 franga – një shumë e madhe parash, të cilët të dy i kanë fituar së bashku nga të ardhurat e biznesit me muzikë.

Që çifti i ri i reperëve mund ta përballojë këtë veturë, është një befasi në vete: Zyra e prokurorit publik në Lucern i ka ngrirë llogaritë e saj, siç del nga vendimi i Gjykatës Kantonale. Aktualisht, prokuroria po kryen një hetim kundër Loredanës për mashtrime, kërcënime dhe shantazh, viktimat e së cilës janë edhe zviceranja Petra Z. nga Valisi.

Reperja me rrënjë nga Kosova e kundërshtoi konfiskimin dhe paraqiti një parashtresë për drejtësi të papaguar.

Ajo nuk ka të holla për shpenzime ligjore, por me sa duket shumë para për një Mercedes të ri: Kjo e ka zhgënjyer Petra Z. pa masë dhe thotë: „Ata tani kanë tre vetura, ndërsa ne jetojmë në varfëri. Kjo ma ka thyer zemrën time“.

Loredana mohon akuzat për plaçkitjen e parave nga Petra Z. „Ajo m`i dha paratë vullnetarisht“, tha ajo kohë më parë në një konferencë shtypi në Prishtinë.