21:35:41 2019-05-12
Vogëlushja Amira e ka humbur letrën që kishte përgatitur për Ditën e Nënës. Policia zvicerane po përpiqet të gjejë familjen e saj.
Postimi i fundit në llogarinë e Facebook-ut të policisë komunale të Lozanës, për momentin, është ndarë më tepër se 700 herë, shkruajnë mediat zvicerane, përcjell Shtegu.com. „Për mrekulli. Po i gëzohemi këtij momenti të solidaritetit. Megjithatë, ende nuk kemi arritur qëllimin tonë „, tha një zëdhënës policor.
Forcat e sigurisë po përpiqen ta gjejnë nënën e Amirës, një vogëlushe që kishte përgatitur një letër të mirë për Ditën e Nënës. Por, ajo e humbi atë. Të shtunën, policia e gjeti këtë dokument të çmuar, në „Avenue Ruchonnet“ dhe dëshiron ta kthejë tek pronari i saj legjitim. „Duke e postuar në rrjetet sociale, po shpresojmë se ndonjë anëtar i familjes apo ndonjë i afërt, do të na ndihmojë të lidhemi me të“, tha zëdhënësi.
Megjithatë, deri të dielën pasdite, askush nuk ishte paraqitur. „Do të ishte me të vërtetë mirë që nëna e Amirës, këtë letër ta ketë sot. Por në çdo rast, ne nuk do ta hedhim në mbeturina. Në rastin më të keq, ajo mund ta marrë letrën në ditët e ardhshme“, kanë thënë nga policia.