20:55:19 2019-02-09
Mbrëmjen e së premtes, në një lokal nate në Bruneck të Italisë, një djalosh i ri shqiptar ka pësuar prerje të rëndë në qafë. Karabinierët italianë i kanë filluar hetimet, shkruajnë mediat italiane, përcjell Shtegu.com.
Zënka ishte shkaktuar mbrëmjen e së premtes në „Blackout Music Pub“ në sheshin „Kapuzinerplatz“ në Bruneck.
Një djalosh i ri 20-vjeçar nga Shqipëria, është plagosur rëndë në qafë nga një xham i thyer. Sipas informacioneve të karabinierëve italianë, rreth orës 03.00 janë përleshur dy grupe kundërshtare, njofton më tej Shtegu.com. Gjatë kësaj zënke, djaloshi shqiptar është sulmuar me një xham të thyer.
Me gjakderdhje të madhe, ai është dërguar menjëherë në spitalin e Brixenit dhe jeta e tij është në rrezik.