Iniciativë mahnitëse e 11-vjeçarit kosovar

Fresku, një djalosh 11-vjeçar nga Prishtina, ka vendosur të udhëtojë me biçikletë nga Prishtina për në Sarandë. Krejt këtë udhëtim do t’ua dedikojë nxënësve të shkollës së Thethit të Shqipërisë, përmes grumbullit të parave, me të cilat do të sigurohen mjete mësimore.

Tani Fresku pa i mbushur 11 vjeç ka vendosur ta realizojë ëndrrën e tij. Bashkë me babin e tij do të nisen me 11 Korrik nga Prishtina, ndërsa planifikojnë të mbërrijnë në Sarandë për 6 ditë. Ai ka hapur edhe një xhirollogari, ku njerëzit mund të deponojnë para për kauzën e tij.

Për datëlindjen e nëntë Fresku e bëri një udhëtim me biçikletë në relacionin Prishtinë-Gjakovë, përafërsisht 90km. Me të përfunduar këtë udhëtim ai i tha babit të tij se dëshiron të shkojë më larg.

„Babë herën tjetër do të shkojmë deri në Sarandë“. Babi i tij i kishte premtuar se do t’ia plotësonte dëshirën.

Por ajo që bindi ta bëjë këtë udhëtim është vizita e tij në fshatin Theth. Vitin e kaluar Fresku se bashku me familjen kishin vizituar këtë vend. Sipas babit të tij ai kishte parë shkollën se dallonte shumë nga gjendja e shkollës ku mëson Fresku. Kishte shikuar nëpër dritare dhe e ka parë se sa të zbrazëta ishin klasat.

Pas kthimit nga Thethi, ai dhe babi i tij kishin menduar për një aksion për të rindërtuar shkollën e fshatit. /sot.com.al/

Të dhënat e llogarisë bankare janë: Emri: FRESK SYLHASI Emri i bankës: Banka Ekonomike Sheshi “Nëna Terezë”, nn, Prishtina, Kosova Nr i llog: XK051401000010010094 Swift: EKOMXKPRXXX